هەولێر-KDP.info- شاندێکی پارتی دیموکراتی کوردستان، سەردانی کۆمەڵی دادگەری کوردستانیان کرد و، تاوتوێی بارودۆخی سیاسیی ناوخۆ و ناوچەکەیان کرد، هاوکات جەختیشیان لە یەکڕیزی لایەنە سیاسییەکان کردەوە.
پاش نیوەڕۆی ئەمڕۆ هەینی، بە سەرۆکایەتی فازڵ میرانی به‌رپرسی دەستەی کارگێڕی مه‌كته‌بی سیاسی پارتی و شاندی یاوەری، کە پێکهاتبوون لە، د.پشتیوان سادق و عەلی حسێن و جەعفەر ئیمنکی، سەردانی کۆمەڵی دادگەری کوردستانیان کرد و، لەلایەن عەلی باپیر ئەمیری کۆمەڵ و ئەندامانی مەکتەبی سیاسییەوە پێشوازییان لێکرا.
جێی باسە، لە میانەی سەردان و دیدارەکەدا، تاوتوێی بارودۆخی هەرێمی کوردستان و ناوچەکە کرا، هاوکات جەختیش لەسەر یەکڕیزی و تەبایی هێز و لایەنە سیاسییەکان کرایەوە.
