خورماتوو-KDP.info- لە شارۆچكەی خورماتوو لە ماوەی كەمتر لە نیو سەعات چوار تەقینەوە روویان دا و بە هۆیانەوە ئافرەتێك گیانی لە دەست دا و حەوت كەسی دیكەیش بریندار بوون.
بەڕێوەبەری ئاساییشی خورماتوو رائید (فارووق ئەحمەد) بە ماڵپەڕی فەرمیی پارتیی دیموكراتی كوردستانی راگەیاند، لە پاش سەعات شەشی ئێوارەوە و لە ماوەی كەمتر لە نیو سەعاتدا لە گەڕەكی عەسكەریی شارۆچكەی خورماتوو، چوار تەقینەوە كە هەموویان لە رێگەی بۆمبی چێندراوە ئەنجام دران، ڕوویان دا.
رائید (فارووق) گوتیشی، لە ئاكامی تەقینەوەكاندا ئافرەتێك گیانی لە دەست دا و حەوت كەسی دیكەیش بریندار بوون كە برینی چەند كەسێكیان سەختە.
رائید (فارووق) گوتیشی، ژماریەک لە بریندارەکان بەهۆی سەختی برینەکانیانەوە رەوانەی نەخۆشخانەکانی شاری کورکووک کراوون.
كاروان جاف-نەشوان بەرزنجی