Hewlêr-KDP.info- Serok Mesûd Barzanî bi helkefta hatina cejna Sersala Êzdiyan peyameke pîrozbahiyê pêşkêşî xwişk û birayên Êzidî yên li Kurdistan, Iraq û cîhanê kir û ragihand, “Xwişk û birayên Êzidî beşeke resen ê gelê Kurdistanê ne û di xweşî, serkeftin, êş û nexweşiyan de em hemû hevpar in.”

Serok Barzanî herwiha got: “Kurdistan welatê pêkvejiyanê ye û divê ev ferhenga dewlemend bê parastin.”

Peyama Serok Barzanî wiha ye:

“Bi helkefta hatina cejna Sersala Êzdiyan, germtirîn pîrozbahiyên xwe arasteyî hemû xwişk û birayên Êzidî li Kurdistan û cîhanê dikim û hêviya bextewerî û kêfxweşiyê ji bo wan dixwazim.

Xwişk û birayên Êzidî beşeke resen a gelê Kurdistanê ne û di xweşî, serkeftin, êş û nexweşiyan de em hemû hevpar in. Divê xwişk û birayên Êzidî bi serbestî û azadî vegerin li ser cih û warên xwe û dawî li koçberî û wê êşê were ku ji aliyê nehezên gelê Kurdistanê ve li ser wan hatiye sepandin.

Kurdistan welatê pêkvejiyanê ye û divê ev ferhenga dewlemend bê parastin.

Hêvîdar im hemû cejn û helkeftên we bi aştî û dilxweşî derbas bibin. Bimînin bi xêr û xweşî

Mesûd Barzanî

16ê Nîsana 2024”