ههولێر-KDP.info-(مهسروور بارزانی) سوپاسی ژهنهڕاڵ (بێدناریك)ـی كرد بۆ ئهو یارمهتی و پشتیوانیانهی له چوارچێوهی ئهركهكهیدا له شهڕی دژ به تیرۆریستانی داعشدا پێشكهشی ههرێمی كوردستانی كردووه، هاوكات پیرۆزبایی دهستبهكاربوونیشی له ژهنهڕاڵ لاكامیرا كرد و دووپاتی له بهردهوامی و درێژهدان به هاوكارییهكانی نێوان ههرێمی كوردستان و نووسینگهی هاریكاری ئهمنی له عێراق كردهوه.
ئهمڕۆ سێشهممه 30/6/2015 (مهسروور بارزانی) راوێژكاری ئهنجوومهنی ئاسایشی ههرێمی كوردستان، به بۆنهی كۆتایهاتنی ئهركهكهی له عێراق، پێشوازی له ژهنهڕاڵ جۆن بێدناریك سهرۆكی نووسینگهی هاریكاری ئهمنی له عێراق و ژهنهڕاڵ پۆڵ لاكامێرای جێگرهوهی كرد.
له دیدارێكدا، كه به ئامادهبوونی جۆزێف پێنینگتۆن كونسوڵی گشتی ئهمریكا له ههولێر بهڕێوهچوو، وێڕای تاوتوكردنی بارودۆخ و دوا پهرهسهندنهكانی شهڕی تیرۆریستانی داعش له ناوچهكهدا، (مهسروور بارزانی) سوپاسی ژهنهڕاڵ بێدناریكی كرد بۆ ئهو یارمهتی و پشتیوانیانهی له چوارچێوهی ئهركهكهیدا له شهڕی دژ به تیرۆریستانی داعشدا پێشكهشی ههرێمی كوردستانی كردووه، هاوكات پیرۆزبایی دهستبهكاربوونیشی له ژهنهڕاڵ لاكامیرا كرد و دووپاتی له بهردهوامی و درێژهدان به هاوكارییهكانی نێوان ههرێمی كوردستان و نووسینگهی هاریكاری ئهمنی له عێراق كردهوه. له بهرامبهردا ژهنهڕاڵ بێدناریك هاوكارییهكانی ههرێمی كوردستانی به گرینگ وهسف كرد و دووپاتی له ههوڵه هاوبهشهكان بۆ گوشار خستنه سهر داعش كردهوه و رایگهیاند، هیچ گومانم لهوهدا نییه، كه له ئهنجامدا داعش تێكدهشكێ.
ههر له دیدارهكهدا ههردوولا به تێروتهسهلی گفتوگۆیان لهبارهی گرنگی و بایهخی مهشق و راهێنان و پڕچهككردنی هێزهكانی پێشمهرگهی كوردستان كرد، كه له روبهڕووبونهوه و شكاندنی تیرۆریستانی داعشدا رۆڵێكی بهرچاوی دهبێت.
تاوتوكردنی دۆستایهتی و هاوپهیمانی نێوان ههرێمی كوردستان و ویلایهته یهكگرتووهكانی ئهمریكا له ههوڵ و ههنگاوهكانی شكاندنی داعش تهوهرێكی دیكهی دیدارهكه بوو.