مویسل-KDP.info / دچارچوڤێ هه‌وا ده‌ستپێكرنا پروپاكندێن هه‌لبژارتنێن په‌رله‌مانێ عیراقێ و سه‌ر ئێخستنا لیستا هه‌ڤپه‌یمانیا كوردستانی یا ژماره (243) ل سنورێ پارێزگه‌ها مویسل ئه‌ڤرو (عسمه‌ت ره‌جه‌ب ) به‌رپرسێ لقێ چارده یێ پارتی دیموكراتی كوردستان ل پارێزگه‌ها مویسل ب ئاماده‌بونا هژماره‌كا به‌ربژێرێن پارتی ل سنورێ لقێ چارده و به‌ربژێره‌كێ كوتا شه‌به‌كان سمیناره‌ك بو ته‌خ و چین و هژماره‌كا زورا كه‌سایه‌تی وجه‌ماوه‌رێ ده‌ڤه‌را وه‌رده‌ك پێشكێشكر.
سەعید مە م و زینی بەرپرسێ راگەهاندنا لقێ 14 یێ پارتی ل مویسل بوkdp.infoدیاركر،به‌رپرسێ لقێ 14یێ پارتی ل پارێزگه‌ها مویسل ب ئاماده‌بونا هژماره‌كا به‌ربژێرێن پارتی ل سنورێ لقێ چارده و به‌ربژێره‌كێ كوتا شه‌به‌كان سمیناره‌ك بو ته‌خ و چین و هژماره‌كا زورا كه‌سایه‌تی وجه‌ماوه‌رێ ده‌ڤه‌را وه‌رده‌ك پێشكێشكر.
و تێدا به‌حسێ ره‌وشا پارێزگه‌ها مویسل ب گشتی و پاراستنا ئێمناهیێ ل وان ده‌ڤه‌ران و گرنگیا ئه‌نجامدانا هه‌لبژارتنان و پشكداریا جه‌ماوه‌رێ وان ده‌ڤه‌ران د هه‌لبژاترنان دا كر و داخاز ژ خه‌لكێ ده‌ڤه‌رێ كر كو هه‌می ب ئێك ده‌نگ و ئێك دل بچنه لسه‌ر سندوقێن ده‌نگدانێ و ده‌نگی بده‌نه لیستا هه‌ڤپه‌یمانیا كوردستانی ژبه‌ر كو لیستا هه‌ڤپه‌یمانیا كوردستانی ل پارێزگه‌ها مویسل زامنێ پاراستنا ئێمناهیێ و پێشكێشكرنا خزمه‌تگوزاریانه ل ده‌ڤه‌رێ.
دیسان بەرپرسێ راگەهاندنا لقێ 14 یێ پارتی ل مویسل ئاشكەرا كر،هه‌ر دچارچوڤێ هه‌وا ده‌ستپێكرنا پروپاكندێن هه‌لبژارتنێن په‌رله‌مانێ عیراقێ و سه‌ر ئێخستنا لیستا هه‌ڤپه‌یمانیا كوردستانی یا ژماره (243) ل سنورێ پارێزگه‌ها مویسل و ئه‌نجامدانا پروژێن خزمه‌تگوزاری ل ده‌ڤه‌را وه‌رده‌ك ئه‌ڤرو (عسمه‌ت ره‌جه‌ب) به‌رپرسێ لقێ چارده یێ پارتی دیموكراتی كوردستان ل پارێزگه‌ها مویسل ب به‌رهه‌ڤبوونا هژماره‌كا كه‌سایه‌تی و جه‌ماوه‌رێ ده‌ڤه‌را وه‌رده‌ك به‌رێ بنیاتی بو ئاڤاكرنا هوله‌كا بیره‌وه‌ریان ل ده‌ڤه‌ران وه‌رده‌ك ب كوژمێ (235) ملیون دیناران لسه‌ر بودجا حكومه‌تا هه‌رێما كوردستانێ هه‌روه‌سا به‌رێ بنیاتی بو ئاڤاكرنا یاریگه‌هه‌كا وه‌رزشی ب كوژمێ (120) ملیون دیناران لسه‌ر بودجا حكومه‌تا هه‌رێما كوردستانێ ل ده‌ڤه‌را وه‌رده‌ك دانا و دیاركر كو پارتی هه‌رده‌م كار دكه‌ت ژبو خزمه‌تكرنا هه‌می ته‌خ و چینێن جودا یێن جڤاكێ هه‌رێما كوردستانێ و ب تایبه‌ت ده‌ڤه‌رێن كوردستانێ یێن ژ ده‌رڤه‌ی هه‌رێمێ.