هەولێر- تایبەت بە KDP.info/ سەرچاوەیەکی فەرمی لە مەکتەبی سیاسی پارتی دیموکراتی کوردستان ئاشکرای دەکات کە لە بەرانبەر هەڵوێستی سەلاحەدین بەهائەدینی ئهمینداری پێشووی یەکگرتووی ئیسلامی کوردستان، داوایەکی یاسایی لە دادگا تۆمار دەکەن، ئەم سەرچاوەیە لە رونکردنەوەیەکی تایبەت بۆ KDP.info بەمجۆرە هەڵوێستی پارتی رادەگەینێت کە دەڵێت:
ئێمە لە پارتی دیموکراتی کوردستان وەکو هەمیشە تەئكیدمان لەوە كردۆتەوە كە پەرۆشی ئەوەیەن پەیوەندییەكانمان لە گەڵ هەموو لایەنەکان باش و گەشەکردوو بێت، کەچی بەداخەوە لەم کاتەدا هەواڵی ئهوەمان بیست كە بەرێز سەلاحەدین بەهائەدین داوای یاسایی لە دژی كاك ئەدهەم بارزانی ئەندامی ئەنجوومەنی سەركردایەتی پارتیمان تۆمار كردووە.
لەكاتێكی ئاوادا ئێمە چاوەڕوانی ئەوە بووین بەرێز سەلاحەدین بەهائەدین قسە و هەڵوێستی ژیرانە و حەكیمانەی هەبێت، نەك پێچەوانە. ئەگەر ناوبرا و لەدژی هەڤال ئەدهەم بارزانی داوای یاسایی تۆمار بکات ، ئەوا ئێمەش لە بەرانبەر ئەمەدا وەكو پارتی دیموكراتی كوردستان داوای یاسایی لە دژی سەڵاحەدین بەهائەدین لە دادگا تۆمار دەكەین.
وتەبێژێك بە ناوی
مەكتەبی سیاسی پارتی دیموكراتی كوردستان